«Գարնանային հավաքածու»` նվիրված Կանանց միջազգային օրվան և Մայրության ու գեղեցկության տոնին

YHM050314011

Երևան քաղաքի պատմության թանգարանի ցուցասրահում մարտի 5-ին  բացվեց «Գարնանային հավաքածու» խորագիրը կրող ցուցահանդեսը՝ նվիրված Կանանց միջազգային օրվան և Մայրության ու գեղեցկության տոնին:

Ցուցահանդեսում ներկայացված են ստեղծագործող Օլգա Հակոբյանի «ԱՆԿԱՌՍ»-ՖՐԻՎՈԼՏԵ կոչվող հյուսվածքաձևի տեխնիկայի միջոցով թելերով և ուլունքներով հյուսած վզնոցներ, ապարանջաններ, ականջօղեր, գլխարկներ և այլ շուրջ 200 ձեռակերտ աշխատանքներ:

Ցուցահանդեսի բացմանը Երևանի քաղաքապետի տեղակալ Արամ Սուքիասյանը Երևանի քաղաքապետ Տարոն Մարգարյանի անունից ջերմորեն շնորհավորեց ներկա կանանց գարնանային տոների առթիվ և կարևորեց ստեղծագործ հայ կնոջ դերը հայ ազգային մշակույթում:

Previous Image
Next Image

«Այստեղ ցուցադրված յուրաքանչյուր նմուշ արվեստի գործ է՝ շլացնող, նրբաճաշակ և աչք շոյող: Օլգա Հակոբյանը հիմնականում օգտագործում է բնական, թանկարժեք և կիսաթանկարժեք, այդ թվում նաև «Սվարովսկի» կոչվող քարատեսակներ և ակնաքարեր: Նա Հայաստանի ժողովրդական վարպետ է, Ռուսաստանի Դաշնության արվեստի պալատի անդամ: Մասնակցել է բազմաթիվ ցուցահանդեսների ինչպես Հայաստանում այնպես էլ Ռուսաստանում և Եվրոպայում: Ցուցահանդեսը յուրօրինակ է, քանի որ ժամանակակից ստեղծագործություններին զուգահեռ ներկայացված է նաև թանգարանի տարազի հավաքածուն և այն հետաքրքրիր ներդաշնակություն է ստեղծում հայ ավանդական և արդի մշակույթների միջև», – նշեց թանգարանի տնօրեն Արմինե Սարգսյանը:

Ցուցահանդեսին զուգահեռ թանգարանի ճեմասրահում բացվեց նաև «Հայ կինը քանդակագործ Սպարտակ Գևորգյանի արվեստում» խորագրով ցուցադրությունը:

Այս բոլոր միջոցառումները նվիրված են կանանց և գեղեցկության տոների մեկամսյակին և բաց կլինեն այցելուների համար մինչև Ապրիլի 7-ը:
Շնորհավորում ենք բոլոր կանանց և աղջիկներին այս գեղեցիկ տոների կապակցությամբ և մաղթում հաճելի ժամանց:

Երևան քաղաքի պատմության թանգարան

  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • MySpace
  • В закладки Google
  • Google Buzz
  • Яндекс.Закладки
  • LinkedIn
  • del.icio.us