Աշակերտներն այսօր անվճար այցելել են Երևան քաղաքի պատմության թանգարան
Երևանի քաղաքապետարանի ենթակայության հանրակրթական դպրոցների աշակերտների թատրոններ և թանգարաններ անվճար աբոնեմենտներով այցելության ծրագրի շրջանակներում մայրաքաղաքի թ.4 և 52 դպրոցների միջին դասարանների շուրջ 70 աշակերտ այսօր այցելել են Երևան քաղաքի պատմության թանգարան:
Երևանի քաղաքապետարանի տեղեկատվության և հասարակայնության հետ կապերի վարչության հաղորդմամբ, դպրոցների հետ համաձայնեցված ծրագրով, սահմանված ժամանակացույցի համաձայն, Երևանի քաղաքապետարանի ենթակայության դպրոցների 3–6–րդ դասարանների աշակերտները Երևան քաղաքի պատմության թանգարան կայցելեն յուրաքանչյուր շաբաթվա չորեքշաբթի և հինգշաբթի օրերին։
«Վստահ ենք, որ աշակերտները սիրով և հաճույքով կայցելեն ոչ միայն թատրոններ, այլև թանգարան։ Կրթություն ստանալը միայն դպրոցում առարկաներ սովորելը չէ. կարևոր է ստացած տեսական գիտելիքը նաև դիդակտիկ միջոցներով ամրապնդելը։ Քաղաքապետարանի նախաձեռնության նպատակը երեխաներին ճշմարիտ արվեստին մոտեցնելը, ազգային արժեքների նկատմամբ սիրո և հավատի սերմանումն ու ամրապնդումն է։ Աշակերտը նաև մշակութային կրթություն պետք է ստանա», – նշել է Երևանի քաղաքապետարանի կրթության վարչության պետ Գայանե Սողոմոնյանը։
Հրապարակումն ամբողջությամբ տես սկզբնաղբյուր կայքում: