«Քաղաքը» խորագրով գեղարվեստական կապ՝ հնի ու նորի միջև

Երևան քաղաքի պատմության թանգարանի ցուցասրահներում Երևանի տոնին ընդառաջ խորհրդանշական ցուցահանդեսներ են բացվել։ Սրահներից մեկում թանգարանի ֆոնդերում պահվող կտավներ են՝ 20-րդ դարասկզբի նկարիչներ Վահրամ Գաֆեսճյանի, Գևորգ Հովսեփյանի, Արարատ Ղարիբյանի, Սարգիս Հովհաննիսյանի, Լևոն Հակոբյանի. Երևանի 1930-ականների համայնապատկերներն են՝ 35 աշխատանք: Մյուս սրահում մերօրյա Երևանն է՝ քաղաքանկարի ժանրի նկարիչ Պետո Պողոսյանի անհատական ցուցահանդեսը։ Նկարիչը «Քաղաքը» խորագրով 32 քաղաքային պատկեր է ներկայացնում։ 

Previous Image
Next Image

Պետո Պողոսյանը հայաստանյան, իսկ միջազգային ցուցահանդեսներում ու մրցույթներում հաղթանակների շնորհիվ նաև աշխարհի շատ քաղաքների արվեստասերներին հայտնի է ջրաներկ աշխատանքներով, որոնցում արդի քաղաքի, մասնավորապես, Երևանի կյանքն է, մայրաքաղաքային մթնոլորտը, երևանյան տրամադրությունը՝ տարբեր դիտանկյուններից։

«Քաղաքի լարման կետերն եմ դուրս բերում ու մատուցում նկարչությամբ»,- բնութագրել է նկարիչը։

«Քաղաքը» Պետո Պողոսյանի 7-րդ անհատական ցուցահանդեսն է։ Ցուցահանդեսը բաց կլինի մինչև նոյեմբերի 9-ը։

Երևանի քաղաքապետարանի տեղեկատվության
և հասարակայնության հետ կապերի վարչություն
Այլ հրապարակումներ
prev next
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • MySpace
  • В закладки Google
  • Google Buzz
  • Яндекс.Закладки
  • LinkedIn
  • del.icio.us