«Քաղաքը և միջավայրը» թեմայով լուսանկարների ցուցահանդես՝ Երևան քաղաքի պատմության թանգարանում

Երևանի քաղաքապետարանի աջակցությամբ Երևան քաղաքի պատմության թանգարանում բացվել է «Քաղաքը և միջավայրը» թեմայով լուսանկարների ցուցահանդեսը: Միջոցառումը կազմակերպվել է Հայաստանում Ֆրանսիայի դեսպանատան կողմից՝ Ֆրանկոֆոնիայի միջազգային օրվան նվիրված միջոցառումների շրջանակում:

Previous Image
Next Image

Հարմարավետ, կանաչ և նորարարական մոտեցումներով «խելացի» քաղաքի ձևաչափը ներկայացնող ցուցադրությունում ներառվել է Լիոնի, Նիցայի, Մարսելի և Փարիզի 16 լուսանկար: Ցուցադրվել է նաև Երևանը 3D ձևաչափով ներկայացնող «Լոկատոր» ընկերության տեսաֆիլմը: Առանձին ցուցադրության է դրվել Երևանի «Բյուրեղյա քաղաք» մանրակերտը:

Ցուցահանդեսի բացմանը ներկա են գտնվել Երևանի քաղաքապետարանի պաշտոնյաներ, դեսպաններ և այլ հյուրեր:
Քաղաքապետարանի աշխատակազմի արտաքին կապերի վարչության պետ Դավիթ Գևորգյանը, ընդգծելով քաղաքային տնտեսության տարբեր ոլորտներում ֆրանսիական քաղաքների հետ առկա համագործակցությունը, կարևորել է դրանց ընդլայնումը և, որպես հերթական քայլ, մատնանշել ցուցահանդեսի կազմակերպումը:

ՀՀ-ում Ֆրանսիայի Հանրապետության արտակարգ և լիազոր դեսպան Ժան-Ֆրանսուա Շարպանտիեն իր հերթին, շնորհակալություն հայտնելով քաղաքապետարանին համատեղ հետաքրքիր նախագծերի շուրջ համագործակցության պատրաստակամության համար, նշել է, որ ամենամյա միջոցառումների ընթացքում իրենք փորձում են ներկայացնել այն նախագծերը, որոնք կհետաքրքրեն Երևանին և հնարավորություն կտան ընդլայնել գործակցության ուղղությունները:

Երևանի քաղաքապետարանի տեղեկատվության
և հասարակայնության հետ կապերի վարչություն
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • MySpace
  • В закладки Google
  • Google Buzz
  • Яндекс.Закладки
  • LinkedIn
  • del.icio.us