Երևանի պատմության թանգարանում կներկայացվի Այնթապի ասեղնագործական դպրոցը

250720163

Երևան քաղաքի պատմության թանգարանը սիրով հրավիրում է մասնակցելու Մարիամ Ղարիբյանի ասեղնագործ աշխատանքների ցուցահանդեսի բացմանը, որը տեղի կունենա հուլիսի 26-ին՝ ժամը 15:00-ին:

«Վերադարձ» խորագրով ցուցահանդեսում ներկայացված են Այնթապի հայտնի ասեղնագործական դպրոցը, ինչպես նաև արդի դիզայներական մոտեցումներով շուրջ 25 աշխատանք (դեկորատիվ ծածկոցներ, սրբիչներ, վերնազգեստ, շրջազգեստ):

Նկարչուհի, ասեղնագործող, հագուստի ձևավորող Մարիամ Ղարիբյանը ծնվել է Երևանում: Դպրոցական տարիներին հաճախել է Հենրիկ Իգիթյանի անվան Գեղագիտական դաստիարակության կենտրոն:

1984-1994թթ. ասեղնագործություն և նկարչություն է դասավանդել վերոհիշյալ կենտրոնում, միաժամանակ նկարչության դասեր առել հայտնի արվեստագետներից:

Մարիամին մշտապես գրավել է Այնթապի կարերի նրբությունը, աշխատանքների «քչախոսությունը» և թափանցիկությունը: Տեղին է ասել, որ վարպետի բնավորությունը պարզորոշ արտացոլվում է նրա աշխատանքներում:

250720162

Հայկական ավանդական ասեղնագործությունը Մարիամն օգտագործում է նաև ժամանակակից զգեստների ձևավորման մեջ՝ ստեղծելով հնի և նորի յուրահատուկ համադրություն: Դրանք ցուցադրվել են Չեխիայում, Հայաստանում և ԱՄՆ-ում:

Մարիամի գեղանկարները ցուցադրվել են աշխարհի տարբեր ցուցասրահներում, ինչպես նաև տեղ են գտել մասնավոր հավաքածուներում:

Ցանկացած աշխատանք ստեղծելիս Մարիամը մշտապես ներկայացնում է հայկական հետքը:

250720161

Եղբոր հետ Չեխիայում բացել է «Armenian Art Gallery», ապա՝ «GH Art Gallery» ցուցասրահները, որտեղ ներկայացվում են հայ և օտարազգի ստեղծագործող¬ներ:

Վերջին 22 տարիներին Մարիամն ապրել և ստեղծագործել է Չեխիայում: 2016թ. վերադարձել է Հայաստան:

Երևան քաղաքի պատմության  թանգարան
Այլ հրապարակումներ
prev next
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • MySpace
  • В закладки Google
  • Google Buzz
  • Яндекс.Закладки
  • LinkedIn
  • del.icio.us