«Լենինգրադ, Շրջափակում, Մարտական մատիտ, 1941-1944» խորագրով ցուցահանդես՝ «Սանկտ Պետերբուրգի օրերը Երևանում» ծրագրի շրջանակում

7528deba734ae27c8bc23c6e3d1147ad87f0267c

Երևանի քաղաքապետ Տարոն Մարգարյանը Սանկտ Պետերբուրգի փոխնահանգապետ Օլգա Կազանսկայայի հետ միասին ներկա է գտնվել «Սանկտ Պետերբուրգի օրերը Երևանում» ծրագրի շրջանակում կազմակերպված «Լենինգրադ, Շրջափակում, Մարտական մատիտ, 1941-1944» խորագրով ցուցահանդեսի հանդիսավոր բացման արարողությանը:

Previous Image
Next Image

Ցուցահանդեսում ներկայացվել է լենինգրադյան նկարիչների՝ «Մարտական մատիտ» միավորմանը նվիրված պաստառների շարքը, որոնք ստեղծվել են Լենինգրադի շրջափակման տարիներին՝ 1941-1944թթ.:

Քաղաքապետ Տարոն Մարգարյանը փոխնահանգապետ Օլգա Կազանսկայայի հետ միասին շրջել և ծանոթացել է ներկայացված պաստառներին: Նշվել է, որ «Մարտական մատիտ»-ի վարպետների գործունեությունը նկատելի հետք է թողել հայրենական արվեստի պատմության մեջ ու պատերազմի տարիներին նրանց կողմից ստեղծված լավագույն ստեղծագործություններն արժեքավոր են ոչ միայն որպես ժամանակի փաստաթուղթ, այլև որպես արվեստի գործեր:

Հարկ է նշել, որ սույն ցուցահանդեսը Երևան քաղաքի պատմության ու Լենինգրադի պաշտպանության և շրջափակման հիշատակի պետական թանգարանների միջև համագործակցության արդյունքում կյանքի կոչված հերթական նախաձեռնությունն է: Ցուցահանդեսը կգործի մինչև դեկտեմբերի 1-ը:

Երևանի քաղաքապետարանի տեղեկատվության
և հասարակայնության հետ կապերի վարչություն
Այլ հրապարակումներ
prev next
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • MySpace
  • В закладки Google
  • Google Buzz
  • Яндекс.Закладки
  • LinkedIn
  • del.icio.us