«Երևանյան ամառ 2018». «Երևան 2800» կտավի ստեղծում՝ Մ. Սարյանի անվան պուրակում

Երևանի քաղաքապետարանի «Երևանյան ամառ 2018» եռամսյա միջոցառումների ծրագրով մայրաքաղաքի գեղարվեստական կենտրոններից մեկում՝ Մ. Սարյանի անվան պուրակում կազմակերպվել է «Երևանյան գեղանկար» ավանդական միջոցառումը, որի ընթացքում արհեստավարժ նկարիչների կողմից ստեղծվել է «Երևան 2800» խորագրով գեղանկարը: Միջոցառումն անցկացվում էր արդեն 5-րդ տարին անընդմեջ: Հեղինակների խոսքով՝ նոր՝ այս անգամ մայրաքաղաքի 2800-ամյա տարեդարձին նվիրված գեղանկարը ներառում էր նախորդ չորս կտավների տարրերը և երևանյան մի շարք տեսարժան վայրերի և գեղագիտական լուծումների ընդգրկմամբ ասես ամփոփում դրանք:

Կտավի ստեղծմանը ներկա էր նաև Երևանի քաղաքապետարանի աշխատակազմի մշակույթի վարչության պետ Ռուբեն Հովհաննիսյանը:

Միջոցառմանը մայրաքաղաքի վարչական շրջանների արվեստի դպրոցների սաները ստեղծել են նաև իրենց անհատական գեղանկարները, որոնց թեման կրկին մայրաքաղաքի հոբելյանն էր:

Նշենք նաև, որ «Երևան 2800» կտավը համալրելու է Երևան քաղաքի պատմության թանգարանի գեղանկարների հավաքածուն:

Երևանի քաղաքապետարանի տեղեկատվության և

հասարակայնության հետ կապերի վարչություն

  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • MySpace
  • В закладки Google
  • Google Buzz
  • Яндекс.Закладки
  • LinkedIn
  • del.icio.us