Երևանի պատմության թանգարանում տոներին ընդառաջ կբացվի «Ձմեռային հեքիաթ» ցուցահանդեսը

«Ձմեռային հեքիաթ»: Այսպես է կոչվում հեղինակային տիկնիկների մեր հերթական ցուցահանդեսը, որը կբացվի Ամանորյա տոներին ընդառաջ` դեկտեմբերի 5-ին,Երևան քաղաքի պատմության թանգարանում:

Հեղինակային տիկնիկների ցուցադրությունն ուղեկցվելու է կրթական ինտերակտիվ ծրագրով, հեքիաթների ընթերցանությամբ:

Ձմեռը ոչ միայն տարվա գեղեցիկ եղանակներից մեկն է, այլ նաև ամենախորհրդավորն ու հեքիաթայինը: Չէ՞ որ ձմռանը նշում ենք Սուրբ Ծննդյան և Ամանորյա տոները: Բնական է, որ թեման տիկնիկագործներին երևակայելու և ստեղծագործելու մեծ հնարավորություն է տալիս:

Ցուցահանդեսին մասնակցում են 28 տիկնիկագործներ, ներկայացված են 100-ից ավելի աշխատանքներ, որոնք պատրաստված են տարբեր տեխնիկայով և տարբեր նյութերից, բայց բոլորն էլ մեծ սիրով:

Ցուցահանդեսի նպատակն է՝ հանրահռչակել հեղինակային տիկնիկը որպես արվեստի ուղղություն:

«Ձմեռային հեքիաթ» ցուցահանդեսը կգործի մինչև մարտի 5-ը:

Մուտքը վճարովի է. երեխաների համար մեկ անձը՝ 250 ՀՀ դրամ, ծնողներինը՝ 500 ՀՀ դրամ:

Այցելեք և նվիրեք Ձեզ Ամանորյա հեքիաթ:

Երևան քաղաքի պատմության թանգարան
Այլ հրապարակումներ
  • Добавить ВКонтакте заметку об этой странице
  • Мой Мир
  • Facebook
  • Twitter
  • LiveJournal
  • MySpace
  • В закладки Google
  • Google Buzz
  • Яндекс.Закладки
  • LinkedIn
  • del.icio.us