Ցուցահանդեսներ

«Հին Երևանը. հայացք ապագայից». լուսանկարների ցուցադրություն մետրոպոլիտենի կայարաններում

Երևանի ծննդյան օրը Կարեն Դեմիրճյանի անվան Երևանի մետրոպոլիտենի «Հանրապետության հրապարակ» և «Երիտասարդական» կայարաններում մայրաքաղաքի բնակիչներն ու հյուրը բացառիկ հնարավորություն ունեն արխիվային լուսանկարների միջոցով վերհիշելու Երևանի անցյալը:

«Թանգարանային գիշեր-2015»-ի միջոցառումները նվիրված կլինեն Հայոց Ցեղասպանության 100-րդ տարելիցին

Երևանի քաղաքապետարանը և Երևան քաղաքի պատմության թանգարանը մայիսի 16-ին սիրով հրավիրում է ներկա գտնվելու «Թանգարանային գիշեր-2015» ծրագրի շրջանակներում թանգարանում անցկացվելիք միջոցառումներին, որոնք նվիրված են Հայոց Ցեղասպանության 100-րդ տարելիցին:

«Թանգարաններ. Հիշողության վկաներ» խորագիրը կրող միջոցառման շրջանակում մայիսի 16-ին ժամը  11:00 -24:00 «Հիշում եմ և պահանջում. վերածնունդ» խորագրով ցուցահանդեսը:

«Մենք հիշում ենք». ցուցահանդես Գլենդելում (Տեսանյութ)

19 ապրիլ,2015
Երևանի պատմության թանգարանի արխիվային լուսանկարներով

Գլենդելի «Նարեկ» կրթամշակութային հաստատությունը ծնողական հանձնախմբի հետ համատեղ ապրիլի 19-ին կազմակերպեց ոգեկոչման հանդիսավոր արարողություն, ինչպես նաև Երևանի պատմության թանգարանից բերված 40 վավերագրական  բացառիկ լուսանկարների ցուցադրում։

«Հիշում եմ և պահանջում. Վերածնունդ» խորագրով ցուցահանդես՝ Երևանի քաղաքապետարանում (Տեսանյութ)

Հայոց Ցեղասպանության 100-րդ տարելիցին ընդառաջ` Երևանի քաղաքապետարանի ճեմասրահում բացվել է «Հիշում եմ և պահանջում. Վերածնունդ» խորագրով ցուցահանդեսը, որին ներկա են գտնվել նաև Երևանի քաղաքապետ Տարոն Մարգարյանը, ՀՀ ԱԺ փոխնախագահ Հերմինե Նաղդալյանը, ՀՀ մշակույթի նախարար Հասմիկ Պողոսյանը, Երևանի ավագանու անդամներ, պաշտոնատար այլ անձինք, բազմաթիվ հյուրեր: 

Հրավիրում ենք «Հիշում եմ և պահանջում. Վերածնունդ» խորագրով ցուցահանդեսի բացմանը

Երևանի քաղաքապետարանը և Երևան քաղաքի պատմության թանգարանը հրավիրում են Ձեզ ներկա գտնվելու Երևանի քաղաքապետարանի ճեմասրահում ապրիլի 16-ին՝ ժամը 19:00-ին, նախատեսված Հայոց Ցեղասպանության 100-րդ տարելիցին նվիրված «ՀԻՇՈՒՄ ԵՄ ԵՎ ՊԱՀԱՆՋՈՒՄ. ՎԵՐԱԾՆՈՒՆԴ» խորագիրը կրող ցուցահանդեսի բացմանը:

«Քաղաքամայր Երևանի գույները»՝ օտարերկրացիների աչքերով

Երևան քաղաքի պատմության թանգարանի ցուցասրահում բացվել է Հայոց ցեղասպանության 100-ամյա տարելիցին նվիրված «Հայաստանը՝ օտարերկրյա նկարիչների աչքերով» ցուցահանդեսը: 6 երկրների 20 նկարիչների աշխատանքները ստեղծվել են «Հայկական ներկապնակ» բացօթյա նկարչության փառատոնի ժամանակ: Ծրագիրն իրականացվել է Երևանի քաղաքապետարանի աջակցությամբ, «Փյունիկ» հիմնադրամի և «Լոռվա ձոր» հայրենակցական միության նախաձեռությամբ:

Գլենդելում կբացվի ԵՔՊԹ արխիվային լուսանկարների ցուցահանդեսը

Հայոց Ցեղասպանության 100-րդ տարելիցի կապակցությամբ Երևան քաղաքի պատմության թանգարանի և Գլենդելի «Նարեկ» մշակութային հաստատության համատեղ նախաձեռնությամբ 2015թ. ապրիլի 19-ին Գլենդելի «Նարեկ» մշակութային հաստատությունում կբացվի «Մենք հիշում ենք» խորագրով ցուցահանդեսը, որտեղ ներկայացվելու են Երևան քաղաքի պատմության թանգարանի արխիվային լուսանկարները:

Երևան քաղաքի պատմության թանգարան

Երևանի պատմության թանգարանում կբացվի «Տիկնիկային պատմություններ» ցուցահանդեսը

Երևան քաղաքի պատմության թանգարանի թեմատիկ ցուցահանդեսների սրահում 2014թ. նոյեմբերի 11-ին՝ ժամը 15:00-ին, տեղի կունենա «Տիկնիկային պատմություններ» ցուցահանդեսի բացման հանդիսավոր արարողությունը:

Ցուցահանդեսի նպատակն է տիկնիկային պատմությունների միջոցով տիկնիկը ներկայացնել որպես բազմաժանրային, բազմաբնույթ մշակութային երևույթ, որը «ներխուժել» է կյանքի գրեթե բոլոր ոլորտներ:

1 2 3 4 5 6 7