Լուրեր

Գոմելում շարունակվում է ԵՔՊԹ-ի ազգային տարազների ցուցահանդեսը

Բելառուսի Հանրապետության Գոմելի պալատա-պուրակային համալիրի Պասկևիչների և Ռումյանցևների ցուցասրահում շարունակվում է Երևան քաղաքի պատմության թանգարանի ազգային տարազների ցուցահանդեսը:

Ցուցահանդեսում ներկայացված են պատմական Հայաստանի տարբեր շրջանները ներկայացնող տաղանդավոր վարպետների պատրաստած հագուստներ և զարդեր, ինչպես նաև գորգեր ու հայկական բնակարանի այլ կենցաղային իրեր:

Նոր ցուցահանդես՝ նվիրված ՀՀ անկախության 20-ամյա հոբելյանին և Երևանի 2793-ամյակին

Հոկտեմբերի 5-ին՝ ժամը 15:00-ին, Երևան քաղաքի պատմության թանգարանում կբացվի գեղանկարիչ Նիկոլ Աղաբաբյանի ստեղծագործությունների անհատական ցուցահանդեսը՝ նվիրված Հայաստանի Հանրապետության անկախության 20-ամյակին:

«Չկա անկախություն, երբ ապրում ես ուրիշի գծած սահմաններում»

Երևան քաղաքի պատմության թանգարանը սեպտեմբերի 20-ին ժամը 15:00-ին սիրով հրավիրում է մասնակցելու Հայաստանի Հանրապետության անկախության 20-ամյա հոբելյանին և Երևանի 2793-ամյակին նվիրված «Չկա անկախություն, երբ ապրում ես ուրիշի գծած սահմաններում» խորագրով ցուցահանդեսի բացմանը:

Մեկնարկեցին Երևանի պատմության թանգարանի հիմնադրման 80-ամյակին նվիրված միջոցառումները

Երևանի պատմության թանգարանում հունիսի 30-ին հանդիսավորությամբ նշվեց թանգարանի հիմնադրման 80-ամյակը: Հանդիսավոր արարողությանը ներկա էին Երևանի քաղաքապետարանի, ՀՀ մի շարք նախարարությունների բարձրաստիճան պաշտոնյաներ, ՀՀ ԳԱԱ, ԳԱԱ ինստիտուտների, մայրաքաղաքում գործող մի շարք բարձրագույն ուսումնական հաստատությունների և թանգարանների ներկայացուցիչներ, թանգարանի նվիրատուներ և բարեկամներ, զանգվածային լրատվամիջոցների ներկայացուցիչներ:

«Թանգարանը պատրաստ է ստանձնելու թանգարան-ինստիտուտի դեր և դառնալու գիտական կենտրոն»

Երևանի պատմության թանգարանի տնօրեն Արմինե Սարգսյանի ողջույնի խոսքը թանգարանի 80-ամյակին նվիրված հանդիսավոր նիստում

Հարգարժան հյուրեր, գործընկերներ, բարեկամներ, ես Ձեզ ողջունում եմ թանգարանի հյուրընկալ հարկի ներքո: Այսօրվա մեր հանդիպման առիթը Երևան քաղաքի պատմության թանգարանի 80-ամյա հոբելյանն է: Շնորհակալ եմ, որ սիրով մեր տոնի մասնակիցն եք դարձել և պետք է ասեմ, որ թանգարանը մշտապես ոչ միայն համագործակցում է Ձեզ հետ, այլև ստանում արժեքավոր խորհուրդներ ու առաջարկություններ: Երևան քաղաքի պատմության թանգարանը հիմնադրվել է 1931 թ.և բազմաթիվ խոչընդոտներ հաղթահարելով, հինգ անգամ տեղափոխվելուց հետո, այսօր իր հաստատուն տեղն է գրավել Երևանի քաղաքապետարանի հետ մեկ ամբողջական ճարտարապետական համալիր կազմող հոյակերտ շենքում:

Երևան քաղաքի պատմության թանգարանի հիմնադրման 80-ամյակին նվիրված հանդիսավոր արարողության ծրագիր

14:30 – Հյուրերի ընդունելություն:
15:00 – Բացման խոսք (թանգարանի տնօրեն):
15:05 – Շնորհավորանքների և ուղերձների ընթերցում:
15:30 – Խրախուսական պարգևների հանձնում:
16:00 – «Երևանի պատմության թանգարան» ֆիլմի շնորհանդես:
17:00 – «Երևանի գույները» գեղանկարների ցուցահանդեսի բացում:

Երևան քաղաքի պատմության թանգարան

«Թանգարանային գիշերը» Երևան քաղաքի պատմության թանգարանում

Եվրոպայի խորհրդի և ՅՈՒՆԵՍԿՕ-ի հովանու ներքո մայիսի 14-ին անցկացվեց «Թանգարանային գիշեր» արդեն ավանդական դարձած տոնը, որին, ի թիվս Հայաստանի 60 թանգարանների, մասնակցում էինք նաև մենք՝ Թանգարանների միջազգային օրվան նվիրված «Թանգարանային գիշեր» միջոցառմամբ:

1 14 15 16 17 18