Լուրեր

Տեղի է ունեցել նկարչուհի Քրիստինա Օգանեզովայի նոր կտավի շնորհանդեսը

Երևան քաղաքի պատմության թանգարանում տեղի է ունեցել նկարչուհի Քրիստինա Օգանեզովայի նոր կտավի շնորհանդեսը՝ նվիրված մայրաքաղաքի հիմնադրման 2800-ամյակին: Միջոցառմանը ներկա են գտնվել Երևանի քաղաքապետարանի աշխատակազմի մշակույթի բաժնի պետ Ռուբեն Հովհաննիսյանը, Երևան քաղաքի պատմության թանգարանի տնօրեն Արմինե Սարգսյանը, արվեստագետներ, հյուրեր:

Երևանի հիմնադրման 2800-ամյա հոբելյանին նվիրված ցուցահանդես՝ Երևան քաղաքի պատմության թանգարանում

Երևան քաղաքի պատմության թանգարանում տեղի է ունեցել նկարչուհի Քրիստինա Օգանեզովայի աշխատանքների անհատական ցուցահանդեսի բացման արարողությունը: Ցուցահանդեսը նվիրված է մայրաքաղաքի հիմնադրման 2800-ամյա հոբելյանին: Միջոցառմանը ներկա են եղել Երևանի քաղաքապետի օգնական Մարիա Բարաղամյանը, քաղաքապետարանի աշխատակազմի մշակույթի վարչության պետ Ռուբեն Հովհաննիսյանը, տուրիզմի բաժնի պետ Գևորգ Օրբելյանը, Երևան քաղաքի պատմության թանգարանի տնօրեն Արմինե Սարգսյանը, արվեստագետներ, հյուրեր:

Երևանի պատմության թանգարանում կբացվի Քրիստինա Օգանեզովայի անհատական ցուցահանդեսը

Օգոստոսի 14-ին` ժամը 18:00-ին, Երևանի պատմության թանգարանի ցուցասրահում կբացվի Հայաստանի նկարիչների միության պատվավոր անդամ, Արվեստագետների միջազգային միության անդամ (Էստոնիա), Քրիստինա Օգանեզովայի ստեղծագործությունների անհատական ցուցահանդեսը:

Ցուցահանդեսը կտևի մինչև օգոստոսի 24-ը ներառյալ:

Երևանի պատմության թանգարանը մասնակցել է «Երևան ՏԱՐԱԶֆեստ» փառատոնին

Երևան քաղաքի պատմության թանգարանը մասնակցել է Երևանի քաղաքապետարանի «Երևանյան ամառ 2018» եռամսյա միջոցառումների ծրագրով Հյուսիսային պողոտայում մեկնարկած «Երևան ՏԱՐԱԶֆեստ» 4-րդ փառատոնին:

Թանգարանի հյուրն էր ակադեմիկոս Յուրի Հովհաննիսյանը

Հուլիսի 14-ին Երևան քաղաքի պատմության թանգարանի այցելուն ֆիզիկոս, ֆիզմաթ գիտությունների դոկտոր պրոֆեսոր, ՌԳԱ ակադեմիկոս Յուրի Ցոլակի Հովհաննիսյանն էր:

Հայտնի գիտնականը շրջեց թանգարանում, ծանոթացավ ցուցանմուշներին և գրառում թողեց մեր թանգարանի հուշամատյանում:

Նշենք, որ Յուրի Հովհաննիսյանը 1956 թվականին ավարտել է Մոսկվայի ճարտարագիտաֆիզիկայի ինստիտուտը։ 1976-1989 թթ. եղել է Դուբնայի միջուկային հետազոտությունների միացյալ ինստիտուտի (ՄՀՄԻ) միջուկային ռեակցիաների լաբորատորիայի փոխտնօրեն, 1989-1997 թթ.՝ տնօրեն, 1997 թվականից՝ գիտական ղեկավար, միաժամանակ, 1971 թվականից՝ նույն լաբորատորիայի ծանր միջուկների հետազոտման բաժնի պետ։

Ալեքսեյ Խվոստովի հեղինակային կտավը` Երևանի պատմության թանգարանում

«Էրեբունի-Երևան 2800» հոբելյանական միջոցառումների շրջանակում Երևան քաղաքի պատմության թանգարանը հուլիսի 2-ին Ալեքսեյ Խվոստովի (Սանկտ Պետերբուրգ) կողմից ստացավ իր հեղինակային կտավներից մեկը:

Աշտարակում բացվել է «Երևան 2800. հազարամյակների մայրաքաղաք» լուսանկարների ցուցահանդեսը

Երևանի 2800-ամյա հոբելյանի առթիվ Երևանի քաղաքապետարանի աջակցությամբ Երևան քաղաքի պատմության և «Էրեբունի» պատմահնագիտական արգելոց թանգարանները ծրագրել են լուսանկարների շրջիկ ցուցահանդեսներ Սփյուռքի հայկական համայնքներում, Ստեփանակերտում և ՀՀ մարզերում: Մայրաքաղաքի հոբելյանին նվիրված անդրանիկ ցուցահանդեսը «Երևանը երեք հանրապետությունների մայրաքաղաք» խորագրով, 2018թ. մարտի 20-ին բացվեց Լիբանանի հանրապետության մայրաքաղաք Բեյրութում:

Նվիրատվություն թանգարանին

Օրերս Երևան քաղաքի պատմության թանգարանը ստացավ նվիրատվություն՝ բաղկացած 135 նեգատիվներից և լուսանկարներից: Այդ առարկաները երևանաբնակ Վահե Սահակյանը թանգարանին նվիրեց Գրիգորի Աղաջանյանի (ծնվ. 1933թ., Վրաստան) անձնական արխիվից:

Գ. Աղաջանյանը մասնագիտությամբ ինժեներ է, երկար տարիներ ապրել է Երևանում և աշխատել Մերգելյան ինստիտուտում, զբաղվել է նաև լուսանկարչությամբ:

1 2 3 4 5 6 7 24