Լուրեր

«Երևանյան ամառ 2018». «Երևան 2800» կտավի ստեղծում՝ Մ. Սարյանի անվան պուրակում

Երևանի քաղաքապետարանի «Երևանյան ամառ 2018» եռամսյա միջոցառումների ծրագրով մայրաքաղաքի գեղարվեստական կենտրոններից մեկում՝ Մ. Սարյանի անվան պուրակում կազմակերպվել է «Երևանյան գեղանկար» ավանդական միջոցառումը, որի ընթացքում արհեստավարժ նկարիչների կողմից ստեղծվել է «Երևան 2800» խորագրով գեղանկարը: Միջոցառումն անցկացվում էր արդեն 5-րդ տարին անընդմեջ: Հեղինակների խոսքով՝ նոր՝ այս անգամ մայրաքաղաքի 2800-ամյա տարեդարձին նվիրված գեղանկարը ներառում էր նախորդ չորս կտավների տարրերը և երևանյան մի շարք տեսարժան վայրերի և գեղագիտական լուծումների ընդգրկմամբ ասես ամփոփում դրանք:

«Թանգարանների գիշերը» բազմամարդ էին Երևանի պատմության թանգարանի ցուցասրահները

Մայիսի 19-ին Հայաստանում և Արցախում արդեն 15-րդ անգամ անցկացվեց «Թանգարանների գիշեր» միջոցառումը: Այդ օրը՝ ժամը 18:00-ից մինչև կեսգիշեր մարդաշատ էին նաև Երևան քաղաքի պատմության թանգարանի ցուցասրահները: Ավանդույթի համաձայն՝ թանգարանի դռները բաց էին մեր մայրաքաղաքի ներկայով ու անցյալով հետաքրքրվող բոլոր այցելուների համար:

Երևան քաղաքի պատմության թանգարանը «Թանգարանների գիշեր» միջոցառմանը Երևան քաղաքի պատմության թանգարանը ներկայացավ «Երևանը երեք հանրապետությունների մայրաքաղաք» լուսանկարների ցուցահանդեսով:

«Երևան 2800» գորգը նվիրաբերվել է Երևան քաղաքի պատմության թանգարանին

Քաղաքապետ Տարոն Մարգարյանը Երևան քաղաքի պատմության թանգարանում «Թանգարանային գիշեր» ծրագրի շրջանակում ներկա է գտնվել «Մեգերյան կարպետ» ընկերության կողմից պատրաստված «Երևան 2800» գորգի նվիրաբերման հանդիսավոր արարողությանը: Երևանի քաղաքապետի նախաձեռնությամբ «Մեգերյան կարպետ» ընկերության հետ համատեղ «Երևան 2800» գորգի ստեղծման մեկնարկը տրվեց ուղիղ մեկ տարի առաջ, որն ինքնատիպ նվեր պետք է դառնար մայրաքաղաքի հոբելյանին:

Թանգարանային գիշերը կներկայացվի խորհրդանշական գորգ՝ նվիրված Երևանի 2800- ամյակին

ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Երևանի պատմության թանգարանում «Թանգարանային գիշերը» կներկայացվի խորհրդանշական գորգ՝ նվիրված Երևանի 2800-ամյակին: Այս մասին «Արմենպրես»-ի մամուլի սրահում հրավիրված ասուլիսում նշեց Երևանի քաղաքապետարանի տուրիզմի բաժնի պետ Գևորգ Օրբելյանը:

«Որպես կանոն՝ Երևանի քաղաքապետարանի ենթակայության տակ գործող համայնքային թանգարանները միանում են Թանգարանների միջազգային օրվա և Թանգարանային գիշերվա ծրագրին:

Երևանի պատմության թանգարանում կբացվի «Երևանը երեք հանրապետությունների մայրաքաղաք» ֆոտոցուցահանդեսը

Մայիսի 18-ին նշվելու է Թանգարանների միջազգային օրը, իսկ մայիսի 19-ին Հայաստանում և Արցախում արդեն 15-րդ անգամ անցկացվելու է «Թանգարանների գիշեր» միջոցառումը:

Միջոցառումներին միացել է 116 թանգարան: 2018 թվականին ԻԿՕՄ-ի կողմից ընտրված Թանգարանների միջազգային օրվա խորագիրն է «Գերհաղորդակցվող թանգարաններ. նոր մոտեցումներ, նոր հանրույթներ»:

Երևանի պատմության թանգարանում բացվել է իրանական մշակույթին նվիրված ցուցահանդես

Երևանի քաղաքապետարանի՝ մայրաքաղաքում գարնանային զբոսաշրջության խթանմանը միտված միջոցառումների ծրագրով Երևան քաղաքի պատմության թանգարանում բացվել է արդեն ավանդական դարձած «Մշակութային երկխոսություն» խորագրով ցուցահանդեսը՝ նվիրված իրանական մշակույթին: Բացման արարողությանը ներկա էին նաև Երևանի քաղաքապետարանի աշխատակազմի մշակույթի վարչության պետ Ռուբեն Հովհաննիսյանը և տուրիզմի բաժնի պետ Գևորգ Օրբելյանը:

Լիբանանում բացվել է «Երևանը՝ երեք հանրապետությունների մայրաքաղաք» խորագրով լուսանկարների ցուցահանդեսը

Ս. թ. մարտի 20-ին Լիբանանի Հանրապետությունում Հայաստանի Հանրապետության դեսպանության և Երևանի քաղաքապետարանի պատմության թանգարանի համատեղ նախաձեռնությամբ Լիբանանի ՀՀ դեսպանատանը բացվեց «Երևանը՝ երեք հանրապետությունների մայրաքաղաք» խորագրով լուսանկարների ցուցահանդես՝ նվիրված Երևան քաղաքի 2800-ամյա և Հայաստանի Առաջին Հանրապետության 100-ամյա հոբելյաններին:

Ցուցահանդեսում ներկայացված են շուրջ 100 լուսանկարներ, որտեղ պատկերված է 19-րդ դարի վերջի և 20-րդ դարասկզբի, խորհրդային շրջանի, նաև ներկայիս Երևանը:

Երևանի պատմության թանգարանում կբացվի իրանական մշակույթին նվիրված ցուցահանդես

Մարտի 21-ին` ժամը 15:00-ին, Երևան քաղաքի պատմության թանգարանում կբացվի արդեն ավանդական դարձած «Մշակութային երկխոսություն-3» խորագրով ցուցահանդես՝ նվիրված իրանական մշակույթին:

Ցուցահանդեսում ներկայացված կլինեն գեղանկարներ, տարազներ, գորգեր, մանրանկարներ, գրաֆիկական աշխատանքներ, կենցաղային իրեր, ծիսական առարկաներ և այլն:

1 2 3 4 5 6 7 8 24