Լույս է տեսել «Երևան-3» գիտական հոդվածների ժողովածուն

Երևան քաղաքի պատմության թանգարանը հրատարակել է  «Երևան-3» գիտական  հոդվածների ժողովածուն: Ժողովածուում տեղ գտած հրապարակումները վերաբերում են մայրաքաղաքի հուշարձանների վիճակին, 21-րդ դարասկզբին Երևանում տեղի ունեցած ժողովրդագրական գործընթացներին, էկոլոգիական, սոցիալական և սանիտարական վիճակով պայմանավորված՝ առողջապահական հիմնախնդիրներին, գետնանցումների բարելավման ճանապարհներին, Երևանի քաղաքաշինական դիմագծին, պատմության մի շարք ուշագրավ խնդիրներին ու պատմական առանձին իրադարձություններին, մի շարք այլ ուշագրավ թեմաների:

Ժողովածուում տեղ գտած հրապարակումների էլեկտրոնային տարբերակին կարող եք ծանոթանալ այստեղ:

«Նայիր աշխարհին իմ գույներով»

Երևան քաղաքի պատմության թանգարանում ս/թ նոյեմբերի 2-ին բացվեց  երիտասարդ նկարչուհի Անուշ Հովհաննիսյանի «Նայիր աշխարհին իմ գույներով» խորագիրը կրող առաջին անհատական ստեղծագործությունների ցուցահանդեսը, որի աջակիցն է Երևանի քաղաքապետ Տարոն Մարգարյանը:

Գիտաժողովի մասնակիցներն այցելեցին Երևան քաղաքի պատմության թանգարան

Երևանը 2012 թ. գրքի համաշխարհային մայրաքաղաք հռչակելու միջոցառումների շրջանակում` ՀՀ մշակույթի նախարարության և Երևանի քաղաքապետարանի աջակցությամբ, ԻԿՕՄ-ի Հայաստանի ազգային կոմիտեն և «Թանգարանների աշխատողների և բարեկամների ասոցիացիա» հասարակական կազմակերպությունը  ս. թ. հոկտեմբերի 20-25-ը անց են կացնում Թանգարանների միջազգային խորհրդի կրթություն և մշակութային գործունեություն միջազգային կոմիտեի (ՍԵԿԱ) տարեկան 41-րդ գիտաժողովը` «Թանգարան և գրավոր հաղորդակցություն. ավանդույթ և նորարարություն» խորագրով:

Բացվեց «Երևան. հայացք ապագայից» ցուցահանդեսը

Միջթանգարանային համագործակցության ծրագրի շրջանակներում հոկտեմբերի 11-ին  «Գաֆէսճեան թանգարան» հիմնադրամի և Երևան քաղաքի պատմության թանագարանի համատեղ նախաձեռնությամբ «Սասունցի Դավիթ» պարտեզ-սրահում բացվեց Երևնաի 2794-ամյակին նվիրված «Երևան. հայացք ապագայից» ցուցադրությունը:

Ցուցադրության հանդիսավոր բացման պատիվը վերապահվել էր Երևանի քաղաքապետ Տարոն Մարգարյանին:

Ցուցահանդեսներ՝ նվիրված Երևանի 2794-ամյակին

«Երևան. Հայացք ապագայից»

Երևանի օրվա տոնակատարության շրջանակներում Երևան քաղաքի պատմության թանգարանը և «Գաֆէսճեան թանգարան» հիմնադրամը հոկտեմբերի 12-ին, 13-ին և 14-ին հրավիրում են «Երևան. Հայացք ապագայից» խորագրով ցուցադրությանը:

Ցուցադրությունը կազմակերպվել է «Գաֆէսճեան» արվեստի կենտրոնի «Սասունցի Դավիթ պարտեզ-սրահում»:

Ցուցադրության ընթացքում Երևան քաղաքի պատմության թանգարանն իր հավաքածուից կներկայացնի արվեստի 36 գործ:

Եվրոպական ժառանգության օրեր Երևանում

Ըստ ընդունված սկզբունքի՝ «Եվրոպական ժառանգության օրեր» միջոցառումների շարքը կազմակերպվում է յուրաքանչյուր տարվա սեպտեմբերյան հանգստյան օրերին, որին մասնակցում է եվրոպական մշակութային համաձայնագիրը ստորագրած 50 պետություն:

Քաղաքային էքսկուրսիա՝ «Ճանապարհ» խորագրի ներքո

Սեպտեմբերի 29-ին Հայաստանը կմիանա Եվրոպական ժառանգության օրեր» ձեռնարկին, որն այս տարի անց է կացվում «Ճանապարհ» խորագրի ներքո:

Այդ օրը՝ ժամը 12:00-13:30, Երևան քաղաքի պատմության թանգարանը (Երևան, Արգիշտիի 1/1) նախաձեռնել է քաղաքային էքսկուրսիա թանգարանից դեպի Հանրապետության հրապարակ:

Բացվեց «XOLST» ստեղծագործական միավորման ցուցահանդեսը

Երևան քաղաքի պատմության թանգարանում սեպտեմբերի 6-ին բացվեց «XOLST» ստեղծագործական միավորման ցուցահանդեսը, որտեղ ներկայացված են ռուս ժամանակակից նկարիչների աշխատանքները:

1 15 16 17 18 19 20 21 22 23 30