«Արվեստ և ժամանց» խորագրով ցուցադրություն՝ Երևանի պատմության թանգարանում

Եվրոպական ժառանգության օրերի շրջանակում Երևան քաղաքի պատմության թանգարանում սեպտեմբերի 27-ից  գործում է «Արվեստ և ժամանց» խորագրով ցուցադրությունը:

«Ուշ միջնադարի եվրոպական կերպարվեստի երաժշտությունը» վերնագրով ցուցադրությունում ներկայացված են թանգարանի կերպարվեստի հավաքածուի մաս կազմող եվրոպացի գեղանկարիչներ Մաքս Նոնենբրուխի, Կարլ Շվենինգերի, Կ. Պերիեի, Պ. Ռոնսարի, Յակոբ վան Ստրիի, Կ. Սյուրլանդտի և երկու անհայտ հեղինակի գործերը:

Նշված ստեղծագործություններն առաջին անգամ են ներկայացվում հանրությանը՝ եվրոպացի հայտնի կոմպոզիտորների ստեղծագործությունների հնչյունների ներքո:

Սիրելի՛ համաքաղաքացիներ, նշված ստեղծագործությունները Երևան քաղաքի պատմության թանգարանում կցուցադրվեն մինչև հոկտեմբերի 31-ը:

Սիրով սպասում ենք ձեզ:

Երևան քաղաքի պատմության թանգարան