Բացվել է Երևանի հիմնադրման 2801-ամյակին նվիրված «Երևանյան խճանկար» ցուցահանդեսը

Սույն թվականի հոկտեմբերի 11-ին Երևան քաղաքի պատմության թանգարանում բացվեց «Երևանյան խճանկար» ցուցահանդեսը՝ նվիրված Երևանի հիմնադրման 2801-ամյակին:

Previous Image
Next Image

info heading

info content


Թանգարանի հավաքածուից ընտրված գրաֆիկական աշխատանքների, հազվագյուտ լուսանկարների, ինչպես նաև հեղինակային տիկնիկների միջոցով ցուցահանդեսում ներկայացված են քաղաքի ավանդական ու արդի կոլորիտը, քաղաքացիների կենցաղն ու սովորույթները:

Ցուցահանդեսի բացման ժամանակ առաջին անգամ տեղի ունեցավ վիկտորինա, որի ընթացքում Երևանի պատմության վերաբերյալ հարցեր ուղղվեցին մասնակիցներին: Ճիշտ պատասխանողները ստացան նվեր՝ տիկնիկ:

Ցուցահանդեսը կգործի մինչև տարեվերջ:  Սիրով սպասում ենք:

Երևան քաղաքի պատմության թանգարան