Թանգարանի ֆեյսբուքյան էջում բացվել է «Լուսավոր ձեր աշխարհում» առցանց ցուցահանդեսը
![](https://yhm.am/wp-content/uploads/2020/06/010620201-1024x683-1.jpg)
Երևան քաղաքի պատմության թանգարանը Երեխաների իրավունքների պաշտպանության միջազգային օրվա կապակցությամբ նախաձեռնեց «Լուսավոր ձեր աշխարհում» խորագրով առցանց ցուցահանդես, որտեղ ներկայացված են նկարել սիրող մինչև 14 տարեկան երեխաների ստեղծագործությունների 80 լուսանկարներ:
Էլեկտրոնային փոստով ցուցահանդեսին մասնակցելու հայտ ներկայացրած բոլոր երեխաների ստեղծագործությունների լուսանկարները, ինչպես և նախապես խոստացել էինք, հրապարակված են Երևան քաղաքի պատմության թանգարանի ֆեյսբուքյան էջում:
Ցուցահանդեսում ներկայացված լուսանկարներն աչքի են ընկնում թե յուրահատուկ մտածողությամբ, թե սկզբունքորեն տարբերվող հուզաշխարհով: Ուշադրության են արժանի նաև ստեղծագործությունների վերնագրերը:
Թանգարանի փոքրիկ այցելուների և ցուցահանդեսի մասնակիցների ստեղծագործությունների համահավաք ցուցադրությանը կարող եք հետևել՝ սեղմելով «Լուսավոր ձեր աշխարհում» հղումը: