«Ճանաչի՛ր Երևանը» օնլայն վիկտորինայում հաղթողներն այցելեցին թանգարան
Երևան քաղաքի պատմության թանգարանը դեռևս մայիսին անցկացրեց «Ճանաչի՛ր Երևանը» խորագրով վիկտորինա: Նկատի ունենալով, որ կորոնավիրուսով պայմանավորված իրավիճակում թանգարանը գործունեություն էր ծավալում հեռահար՝ «Ճանաչի՛ր Երևանը» խորագրով վիկտորինան ևս անցկացվեց օնլայն, թանգարանի ֆեյսբուքյան էջի և կայքի միջոցով։
Վիկտորինայի հարցաշարը կազմված էր թանգարանի ֆեյսբուքյան էջում և կայքում պարբերաբար հրապարակված համառոտ տեսանյութերի հիման վրա:
Ինչպես նախապես նշվել էր, հաղթող ճանաչվեցին այն մասնակիցները, ովքեր ճիշտ պատասխանների առավելագույն քանակ ապահովեցին:
Մեր խոստմանը հավատարիմ՝ բնականոն աշխատանքային ռեժիմի անցնելուն պես վիկտորինայում հաղթած մասնակիցներին օգոստոսի 31-ին սիրով հրավիրեցինք թանգարան՝ հնարավորություն ընձեռելով առավել մանրամասն ծանոթանալու Երևան քաղաքի պատմությանը։