Բացվեց  «Արծաթի և զարդանախշի սիմֆոնիան»  խորագրով ցուցահանդեսը

Ս/թ դեկտեմբերի 1-ին տեղի ունեցավ «Երևան քաղաքի պատմության թանգարանի 90- ամյակին նվիրված  «Արծաթի և զարդանախշի սիմֆոնիան»  խորագիրը կրող ցուցահանդեսի բացումը, որը կազմակերպվել էր ՀՀ Ֆինանսների նախարարության «Թանկարժեք մետաղների և թանկարժեք քարերի» գանձարանի հետ համատեղ:

Ցուցահանդեսին ներկա էին Երևանի քաղաքապետի տեղակալ  տիկին Գայանե Մելքոմ Մելքոմյանը, Երևանի ավագանու անդամներ, թանգարանների տնօրեններ և հանրության ներկայացուցիչներ:

Թանգարանի տնօրեն  Արմինե Սարգսյանը  համառոտ հաշվետվություն ներկայացրեց 2021թ․ կատարած աշխատանքների և ձեռքբերումների  վերաբերյալ,  ինչպես նաև  անդրադարձ կատարեց  թանգարանի 90-ամյա գործունեությանը:

Ելույթներով հանդես եկան՝ թանգարանի գործընկեր կազմակերպությունների ներկայացուցիչները՝ ԵՊՀ Հնագիտության և ազգագրության ամբիոնի  վարիչ և բաժնի ղեկավար պ. գ. թ  Հայկ  Ավետիսյանը, ՀՀ Ֆինանսների նախարարության «Թանկարժեք մետաղների և թանկարժեք քարերի» գանձարանի վարչության պետ  Վահե Առաքելյանը, ՀՀ  Հնագիտության և Ազգագրության ինստիտուտի Ազգագրության բաժնի ղեկավար պ. գ. թ  Սուրեն Հոբոսյանը, մշակութաբան Հրազդան Թոքմաջյանը, ԻԿՈՄԻ Հայաստանի կոմիտեի նախագահ Հայկ Մկրտչյանը:

Ցուցահանդեսի բացմանը երաժշտագիտության դոկտոր-պրոֆեսոր Ծովինար Հովհաննիսյանի ղեկավարությամբ հանդես եկան  Ալ. Սպենդիարյանի անվան երաժշտական դպրոցի սաները:  Թանգարանի աշխատակազմը շնորհակալություն է հայտնում դպրոցի ղեկավարությանը քանոնահարների  գեղեցիկ կատարումների համար:

Երևան քաղաքի պատմության թանգարան

Լուսանկարների արխիվ

Leave a Reply

Your email address will not be published. Required fields are marked *