Թանգարանների միջազգային օր Թանգարանների գիշեր 2024
Թանգարանների միջազգային օրը ամենամյա միջոցառում է, որն անցկացվում է մայիսի 18-ին` նպատակ ունենալով բարձրացնել իրազեկվածությունը թանգարանների` որպես մշակութային հաստատությունների կարևորության մասին և նշելու նրանց դերը հասարակության մեջ: Այդ օրը սահմանվել է Թանգարանների միջազգային խորհրդի (ICOM) կողմից 1977 թվականին և այդ ժամանակվանից ի վեր դարձել է լայնորեն ճանաչված օր, որը նշվում է աշխարհի թանգարանների կողմից:
Ամեն տարի Թանգարանների միջազգային օրն ունի հատուկ թեմա, որն առաջնորդում է համաշխարհային թանգարանների կողմից կազմակերպվող միջոցառումներն ու միջոցառումները: Այս տարի ԻԿՕՄ-ի կողմից ընտրվել է «Կրթության և հետազոտություն թանգարաններ» (“Museums for Education and Research” ) խորագիրը:
Թանգարանների միջազգային օրը հիշեցնում է թանգարանների արժեքավոր ներդրումը կրթության, մշակույթի և ժառանգության պահպանման գործում, և այն խրախուսում է մարդկանց ուսումնասիրել և գնահատել թանգարանների բազմազան առաջարկները իրենց համայնքներում:
Երևանի պատմության թանգարանում ս/թ մայիսի 18-ին կիրականցվեն հետևյալ միջոցառումները:
1. Երևան քաղաքի պատմության թանգարանի հրատարակած աշխատությունների ներկայացում: * Ժամը 13:00-ին
Միջոցառման ժամանակ կներկայացվեն թանգարանի հրատարակությունները. այցելուները կծանոթանան գրքերին և կատալոգներին: Մասնավորապես կներկայացվեն Երևանի պատմությանը, մշակույթին և թանգարանային հավաքածուների ուսումնասիրությանը նվիրված աշխատությունները: Միջոցառումը կավարտվի Երևանի մասին բանաստեղծությունների ընթերցմամբ և երգերի կատարմամբ: Լավագույն կատարողները կպարգևատրվեն գրքերով:
2. «Վերականգնենք բեկորից» խորագրով վարպետության դաս թանգարանի բակային մասում՝ ինտերակտիվ բաղադրիչով: * Ժամը 14:30-ին
Թանգարանի բակային մասում կազմակերպել վերականգնման վարպետաց դաս՝ վերականգնող մասանգետի կողմից: Ներկայացնել թանգարան հանձնված հնագիտական իրերի, մասնավորապես խեցեղենի վերականգնման, ամրացման կամ մաքրման տեխնիկան, ընթացքը:
3. Ցուցահանդես «Չգիտեմ ինչ եմ ուզում ասել…» խորագրով (իրանահայ հայտնի ճարտարապետ Ռոստոմ Ոսկանյանի հավաքածուի ցուցադրություն): * ժամը 20:00-ին
Իրանահայ հայտնի ճարտարապետ Ռոստոմ Ոսկանյանի հավաքածուն ներկայացնող ցուցահանդես Ռոստոմ Ոսկանյանի հավաքածուն ներառում է 1520 առարկա, որը նա Երևանի պատմության թանգարանին է նվիրել 2012թ.: Դրանք արևելյան մշակույթը ներկայացնող կիրառական արվեստի և արհեստի տարբեր առարկաներ են (արձանիկներ, զարդեր, սրվակներ, փականներ և բանալիներ, դրամներ, աշխատանքային գործիքներ և այլ կենցաղային իրեր), որոնք թվագրվում են 17-19-րդ դարերով:
