Նոր ցուցահանդես՝ նվիրված Երևանի 2800-ամյակին

Երևանի 2800-ամյակի առթիվ Երևան քաղաքի պատմության թանգարանում կբացվի ցուցահանդես «Երևան. բրոնզի դարից վարդագույն տուֆի մայրաքաղաք» խորագրով:

Ցուցահանդեսի խորհուրդը հետևյալն է. ցույց տալ, որ Երևանի տարածքը մշտապես բնակեցված է եղել մարդու կողմից, իսկ բրոնզի դարի մշակույթն իր կատարելությամբ հիացմունք է պատճառում բոլոր ժամանակներում:

Կներկայացվեն նաև հայտնի նկարիչների ստեղծագործությունները, որոնցում պատկերված է վարդագույն տուֆի Երևանը:

Ցուցահանդեսում ընդգրկված են ցուցանմուշներ թանգարանի բրոնզի դարի և կերպարվեստի հավաքածուներից, որոնց մեծ մասը հանրությանը ներկայացվում է առաջին անգամ:

Երևան քաղաքի պատմության թանգարան
Տարածել