Երևանի պատմության թանգարանում բացվել է վավերագրական լուսանկարների ցուցահանդես

ՀՀ սփյուռքի նախարարության նախաձեռնությամբ և Երևանի քաղաքապետարանի աջակցությամբ Երևանի պատմության թանգարանում փետրվարի 2-ին բացվեց «100-ն անց» խորագրով վավերագրական լուսանկարների ցուցահանդեսը:

Ցուցահանդեսում ներկայացված 30 լուսանկարների միջոցով հեղինակը՝ լուսանկարիչ Իննա Մխիթարյանը փորձել է ներկայացնել վերապրածներ, շարունակվող մշակույթ և այն ամենը, ինչը պահպանվում է Հայոց Ցեղասպանությունից 100 տարի անց։

Previous Image
Next Image

info heading

info content


Ցուցահանդեսի բացման հանդիսավոր արարողությանը ներկա էին ՀՀ Սփյուռքի նախարար Հրանուշ Հակոբյանը, Երևանի փոխքաղաքապետ Դավիթ Օհանյանը, արվեստագտներ ու արվեստասերներ:

«Եթե մենք հիշողությունն ենք կորցնում, դա ամենամեծ կորուստն է, այ էսքան կորուստներից հետո: Մեր հիշողությունն է, որ պետք է սատար կանգնի այն կորցրածի հետ ապրելու ու նաև դրանք ժամանակի հետ ապրեցնելու համար: Ամեն մի նշխարքի պահպանումը շատ կարևոր է` լինի նկար, երաժշտություն, թե մեկ բառ»,- իր խոսքում նշեց երաժշտահան Տիգրան Մանսուրյանը՝ անհրաժեշտ համարելով անցյալի բեկորների հավաքագրումն ու մեր հիշողություններում դրանք կենդանի պահելը:

Այլ մանրամասներ՝ տես այստեղ…