Մամուլը մեր մասին
Հին տները
Ինչու էր երևացող տեղ դրվում պնղձե սպասքը, ինչպես էին համադրվում արևմտյանն ու արևելյանը, ովքեր ունեին «Զինգեր» կարի մեքենա. ուսումնասիրում ենք նախախորհրդային Երևանի ունևոր բնակիչների տների ինտերյերի բաղադրիչները՝ Երևանի պատմության թանգարանի նմուշների հիման վրա:
«Տավուշն աշխարհի աչքերով». Երևանում բացվեց միջազգային նկարչական սիմպոզիում
Աշխարհի տասնյոթ երկրից Հայաստան ժամանած նկարիչները տասը օր ապրել են Տավուշի մարզում, շրջել մեր երկրում, ծանոթացել հայ մշակույթին: Արդյունքում ստեղծել են կտավներ` պատկերելով իրենց տպավորություններն ու հույզերը:
«Արմենպրես»-ի հաղորդմամբ`«Տավուշն աշխարհի աչքերով» միջազգային նկարչական սիմպոզիումի բացման պաշտոնական արարողությունը տեղի ունեցավ փետրվարի 12-ին Երևանի պատմության թանգարանում:
Երևանի պատմության թանգարան այցելած զբոսաշրջիկների թիվը նկատելիորեն աճել է (Տեսանյութ)
Երևանի պատմության թանգարանը 2019 թվականին ունեցել է 20 հազար 707 այցելու, որի կեսը եղել է զբոսաշրջիկ: «Արմենպրես»-ի մամուլի սրահում հրավիրված ասուլիսում թանգարանի տնօրեն Արմինե Սարգսյանը նշեց, որ վերջին տարիներին նկատելիորեն աճում է թանգարան այցելած զբոսաշրջիկների թիվը:
Էջեր Երևան քաղաքի պատմության թանգարանից
«Դեպի թանգարան» խորագրի շրջանակներում այս անգամ զրուցել ենք Երևան քաղաքի պատմության թանգարանի գիտական գծով փոխտնօրեն Լուսինե Ամիրջանյանի հետ:
-Տիկին Ամիրջանյան, թանգարանը հիմնադրվել է 1931-ին և բավական բարդ ճանապարհ է անցել: Ինչպես է այն կարողացել հաղթահարել իր առջև ծառացած դժվարությունները:
-Մեր թանգարանը 88 տարեկան է, ինչը պատկառելի տարիք է թանգարանների պատմության մեջ: 1930-ականներին այն կոչվում էր Կոմունալ թանգարան, քանի որ հիմնականում պետք է ներկայացներ Երևանի կենցաղը: Թանգարանը զբաղեցնում էր Հրշեջ վարչության շենքի երկրորդ հարկի մի փոքրիկ սենյակ:
Երևանի պատմության թանգարանում բացվել է վավերագրական լուսանկարների ցուցահանդես
ՀՀ սփյուռքի նախարարության նախաձեռնությամբ և Երևանի քաղաքապետարանի աջակցությամբ Երևանի պատմության թանգարանում փետրվարի 2-ին բացվեց «100-ն անց» խորագրով վավերագրական լուսանկարների ցուցահանդեսը:
Ցուցահանդեսում ներկայացված 30 լուսանկարների միջոցով հեղինակը՝ լուսանկարիչ Իննա Մխիթարյանը փորձել է ներկայացնել վերապրածներ, շարունակվող մշակույթ և այն ամենը, ինչը պահպանվում է Հայոց Ցեղասպանությունից 100 տարի անց։
ՎիվաՍել-ՄՏՍ-ն անվճար Wi-Fi է ապահովել չորս թանգարանի
Հայաստանի հեռահաղորդակցության առաջատար օպերատորը՝ ՎիվաՍել-ՄՏՍ-ը, տեղեկատվական ժամանակակից ենթակառուցվածքով է ապահովել մայրաքաղաքում գործող մշակութային չորս օջախ: Մեկ տարի անվճար սկզբունքով՝ Wi-Fi հասանելիության անկյուններ են ստեղծվել Երևան քաղաքի պատմության, Ժամանակակից արվեստի թանգարաններում, Կարեն Դեմիրճյանի տուն-թանգարանում, ինչպես նաև «Էրեբունի» պատմահնագիտական արգելոց-թանգարանում: Այս մասին հայտնում է ՎիվաՍել-ՄՏՍ-ի հասարակայնության հետ կապերի ծառայությունը:
Հայոց Ցեղասպանության 100-րդ տարելիցին ընդառաջ մայրաքաղաքում կազմակերպվող միջոցառումների շարքը լինելու է շարունակական
«Հիշում եմ և պահանջում. Վերածնունդ» խորագրով ցուցահանդեսին անդրադարձել է նաև «1in.am» կայքը:
Կայքը մասնավորապես նշում է. «Պատասխանելով լրագրողների հարցերին՝ Երևանի քաղաքապետի տեղակալ Արամ Սուքիասյանը, առանձնակի կարևորելով Հայոց Ցեղասպանության 100-րդ տարելիցին ընդառաջ մայրաքաղաքում կազմակերպվող միջոցառումները, ընդգծել է, որ դրանց շարքը լինելու է շարունակական:
Անմոռուկի հսկա մակետ՝ Երեւանի քաղաքապետարանում
a1plus.am կայքը գրում է. «Հայոց Ցեղասպանության 100-րդ տարելիցին ընդառաջ` Երևանի քաղաքապետարանի ճեմասրահում բացվել է «Հիշում եմ և պահանջում. Վերածնունդ» խորագրով ցուցահանդեսը, որին ներկա են գտնվել նաև Երևանի քաղաքապետ Տարոն Մարգարյանը, ՀՀ ԱԺ փոխնախագահ Հերմինե Նաղդալյանը, ՀՀ մշակույթի նախարար Հասմիկ Պողոսյանը, Երևանի ավագանու անդամներ, պաշտոնատար այլ անձինք, բազմաթիվ հյուրեր:
Նոր ցուցադրություն՝ նվիրված Հայոց Ցեղասպանության 100-րդ տարելիցին
Երևան քաղաքի պատմության թանգարանը Հայոց Ցեղասպանության 100-րդ տարելիցին նվիրված բազմաբնույթ միջոցառումների շարքում հանդես կգա «Հիշում եմ և պահանջում. Վերածնունդ» խորագրով ցուցահանդեսով: Ապրիլի 16-ից թանգարանի ցուցասրահում բացվող ցուցադրությունը բաղկացած է 3 բաժնից:
Ժամանակակից թանգարանի բանաձևը
Երևանի հազարամյակների պատմությունը երեք հարկում ներկայացնելը դյուրին գործ չէր, բայց ժամանակակից մարդուն քաղաքի հին լուսանկարներով ու պեղումների արդյունքում հայտնաբերված իրերով զարմացնելը այդքան էլ հեշտ չէ: Ի՞նչ անել, որ տոմսարկղի մոտ կիլոմետրանոց հերթ գոյանա ու թանգարան այցելելը դառնա քաղաքային մշակույթի մաս: Բարդ հարցի պարզ բանաձևը գտել է Երևան քաղաքի պատմության թանգարանի փոխտնօրեն Գևորգ Օրբելյանը:
