Երևանի պատմության թանգարանում կբացվի «Երևանը երեք հանրապետությունների մայրաքաղաք» ֆոտոցուցահանդեսը

Մայիսի 18-ին նշվելու է Թանգարանների միջազգային օրը, իսկ մայիսի 19-ին Հայաստանում և Արցախում արդեն 15-րդ անգամ անցկացվելու է «Թանգարանների գիշեր» միջոցառումը:

Միջոցառումներին միացել է 116 թանգարան: 2018 թվականին ԻԿՕՄ-ի կողմից ընտրված Թանգարանների միջազգային օրվա խորագիրն է «Գերհաղորդակցվող թանգարաններ. նոր մոտեցումներ, նոր հանրույթներ»:

Երևան քաղաքի պատմության թանգարանը Թանգարանների միջազգային օրը և Թանգարանների գիշերը կներկայանա «Երևանը երեք հանրապետությունների մայրաքաղաք» ֆոտոցուցահանդեսով:

Միջոցառումների ձևաչափին համապատասխան` մայիսի 18-ին` ժամը 10:00-ից 18:00-ը, իսկ մայիսի 19-ին` ժամը 18:00-ից 24:00, Հայաստանի և Արցախի 116 թանգարանների դռներն բաց կլինեն հասարակության համար:

Մուտքն անվճար է։ Սիրով սպասում ենք:

Երևան քաղաքի պատմության թանգարան

Տարածել