Ցուցահանդեսներ
Լիբանանում բացվել է «Երևանը՝ երեք հանրապետությունների մայրաքաղաք» խորագրով լուսանկարների ցուցահանդեսը
Ս. թ. մարտի 20-ին Լիբանանի Հանրապետությունում Հայաստանի Հանրապետության դեսպանության և Երևանի քաղաքապետարանի պատմության թանգարանի համատեղ նախաձեռնությամբ Լիբանանի ՀՀ դեսպանատանը բացվեց «Երևանը՝ երեք հանրապետությունների մայրաքաղաք» խորագրով լուսանկարների ցուցահանդես՝ նվիրված Երևան քաղաքի 2800-ամյա և Հայաստանի Առաջին Հանրապետության 100-ամյա հոբելյաններին:
Ցուցահանդեսում ներկայացված են շուրջ 100 լուսանկարներ, որտեղ պատկերված է 19-րդ դարի վերջի և 20-րդ դարասկզբի, խորհրդային շրջանի, նաև ներկայիս Երևանը:
Երևանի պատմության թանգարանում կբացվի իրանական մշակույթին նվիրված ցուցահանդես
Մարտի 21-ին` ժամը 15:00-ին, Երևան քաղաքի պատմության թանգարանում կբացվի արդեն ավանդական դարձած «Մշակութային երկխոսություն-3» խորագրով ցուցահանդես՝ նվիրված իրանական մշակույթին:
Ցուցահանդեսում ներկայացված կլինեն գեղանկարներ, տարազներ, գորգեր, մանրանկարներ, գրաֆիկական աշխատանքներ, կենցաղային իրեր, ծիսական առարկաներ և այլն:
«Երևանի օրերը Մոսկվայում». բացվել է «Երևանյան էսքիզներ» ֆոտոցուցահանդեսը
Դեկտեմբերի 21-22-ը Մոսկվայում անցկացվող Երևանի օրերի շրջանակում ՌԴ մայրաքաղաքի Ս.Տ. Կոնյոնկովի թանգարան-արվեստանոցում բացվել է «Երևանյան էսքիզներ» խորագրով լուսանկարների ցուցահանդեսը:
«Էրեբունի-Երևան 2799». «Երևանը գեղանկարներում»
Երևան քաղաքի պատմության թանգարանը և Երևանի քաղաքապետարանը «Էրեբունի-Երևան 2799» տոնակատարության շրջանակներում ներկայացնում են «Երևանը գեղանկարներում» ցուցահանդեսը:
Երկու մասից բաղկացած ցուցահանդեսում ներկայացված կլինեն թե՛ հայ դասականների և թե՛ երիտասարդ սերնդի արվեստագետների ստեղծագործություններ:
Երևանի պատմության թանգարանում բացվել է իրանական մշակույթին նվիրված «Մշակութային երկխոսություն» խորագրով ցուցահանդես
Մայրաքաղաքում գարնանային զբոսաշրջության խթանման՝ Երևանի քաղաքապետարանի կողմից մշակված միջոցառումների ծրագրի շրջանակում Երևան քաղաքի պատմության թանգարանում բացվել է «Մշակութային երկխոսություն» խորագրով ցուցահանդեսը, որը նվիրված է իրանական մշակույթին: Ներկայացված են ավելի քան 200 ցուցանմուշներ, այդ թվում՝ գեղանկարներ, տարազներ, գորգեր, մանրանկարներ, գրաֆիկական աշխատանքներ, կենցաղային իրեր, ծիսական առարկաներ և այլն: Ցուցանմուշները հիմնականում վերագրվում են 17-19-րդ դարերին:
Երևանի պատմության թանգարանում բացվել է «Հավերժի Ճամփորդ» խորագրով ցուցահանդես
Կանանց տոներին նվիրված միջոցառումների շարքում Երևան քաղաքի պատմության թանգարանում բացվել է նկարչուհի և գեղանկարչական ցուցահանդեսների կազմակերպիչ Արմինե Թումանյանի ստեղծագործական աշխատանքների անհատական ցուցահանդեսը, որը կրում է «Հավերժի ճամփորդ» խորագիրը:
Երևանի պատմության թանգարան-2016. հետադարձ հայացք
ՀՀ սփյուռքի նախարարության նախաձեռնությամբ և Երևանի քաղաքապետարանի աջակցությամբ Երևանի պատմության թանգարանում փետրվարի 2-ին բացվեց «100-ն անց» խորագրով վավերագրական լուսանկարների ցուցահանդեսը:
«Մարտական մատիտ» միավորմանը նվիրված պաստառները՝ Երևանի պատմության թանգարանում
Երևան քաղաքի պատմության և Լենինգրադի պաշտպանության և շրջափակման հիշատակի պետական թանգարանների միջև մշակութային համագործակցության մասին համաձայնագրի շրջանակներում նոյեմբերի10-ին՝ ժամը 13:30-ին, Երևան քաղաքի պատմության թանգարանում կբացվի «Լենինգրադ, Շրջափակում, Մարտական մատիտ, 1941-1944» խորագրով ցուցահանդես:
Երևանի պատմության թանգարանում բացվել է Կարել Զեմանի ստեղծագործությունների անհատական ցուցահանդեսը
Երևանի քաղաքապետարանի, Երևան քաղաքի պատմության թանգարանի և Չեխիայի Հանրապետության դեսպանատան համատեղ նախաձեռնությամբ հոկտեմբերի 18-ին Երևան քաղաքի պատմության թանգարանում ներկայացվեց չեխ փորագրող, գծանկարիչ, մեդալների և մետաղադրամների դիզայներ Կարել Զեմանի ստեղծագործությունների անհատական ցուցահանդեսը:
